Sa ikatlong taon ay ipinagpapatuloy ang SBM Banner Program na 𝐍𝐎𝐑𝐓𝐇 (𝐍𝐮𝐫𝐭𝐮𝐫𝐞, 𝐎𝐩𝐭𝐢𝐦𝐢𝐳𝐞, 𝐑𝐞𝐜𝐨𝐧𝐬𝐭𝐢𝐭𝐮𝐭𝐞, 𝐓𝐫𝐚𝐧𝐬𝐟𝐨𝐫𝐦, 𝐇𝐞𝐚𝐫𝐭𝐞𝐧) bilang pangunahing hakbang ng ating paaralan upang isulong ang episyente at makabagong pamamahala. Bilang tugon sa 𝟓-𝐏𝐨𝐢𝐧𝐭 𝐑𝐞𝐟𝐨𝐫𝐦 𝐀𝐠𝐞𝐧𝐝𝐚 𝐧𝐠 𝐊𝐚𝐠𝐚𝐰𝐚𝐫𝐚𝐧 𝐧𝐠 𝐄𝐝𝐮𝐤𝐚𝐬𝐲𝐨𝐧 sa pamumuno ni Secretary Juan Edgardo “Sonny” Angara at kaakibat ng 𝐏𝐫𝐨𝐣𝐞𝐜𝐭 𝐋𝐀𝐁𝐎𝐍𝐆 𝐧𝐠 𝐒𝐃𝐎 𝐆𝐞𝐧𝐞𝐫𝐚𝐥 𝐓𝐫𝐢𝐚𝐬 𝐂𝐢𝐭𝐲, higit pang pinaigting ng North High ang implementasyon ng 𝐏𝐫𝐨𝐣𝐞𝐜𝐭 𝐒𝐓𝐑𝐄𝐀𝐌𝐋𝐈𝐍𝐄 at opisyal na inilunsad ang 𝐏𝐫𝐨𝐣𝐞𝐜𝐭 𝐑𝐄𝐂𝐇𝐀𝐑𝐆𝐄.

Sa ilalim ng NURTURE component ng NORTH, inilunsad ang 𝐏𝐫𝐨𝐣𝐞𝐜𝐭 𝐑𝐄𝐂𝐇𝐀𝐑𝐆𝐄 na nakatuon sa pangangalaga ng pisikal, mental at emosyonal na kalusugan ng mga guro at mag-aaral. Mayroong 𝐌𝐞𝐧𝐭𝐚𝐥 𝐇𝐞𝐚𝐥𝐭𝐡 𝐍𝐨𝐨𝐤 at 𝐏𝐫𝐚𝐲𝐞𝐫 𝐑𝐨𝐨𝐦 para sa mga estudyante. Mayroon ding 𝐑𝐞𝐟𝐥𝐞𝐜𝐭𝐢𝐨𝐧 𝐑𝐨𝐨𝐦 at 𝐅𝐢𝐭𝐧𝐞𝐬𝐬 𝐑𝐨𝐨𝐦 para sa mga guro at kawani ng paaralan.

Samantala, sa ilalim naman ng TRANSFORM component ng NORTH, pinaigting ang 𝐏𝐫𝐨𝐣𝐞𝐜𝐭 𝐒𝐓𝐑𝐄𝐀𝐌𝐋𝐈𝐍𝐄 na naglalayong i-digitize at i-automate ang lahat ng serbisyong pampaaralan upang matiyak ang maayos na operasyon, mabawasan ang pagkakamali, at higit pang mapabuti ang pagpapabilis at pagpapadali ng mga proseso. Nakahanay din ito sa polisiya na One DepEd, One QMS.

Sa aspeto ng digital tools, ginagamit na ng paaralan ang 𝐎𝐧𝐥𝐢𝐧𝐞 𝐀𝐬𝐬𝐞𝐬𝐬𝐦𝐞𝐧𝐭𝐬 sa pamamagitan ng Google Forms. Sa katunayan, noong unang markahang pagsusulit, online na isinagawa ang pagsusulit ng mga mag-aaral mula sa Special Program in Science, Technology, and Engineering (STE). Bukod dito, ginagamit din 𝐆𝐨𝐨𝐠𝐥𝐞 𝐂𝐥𝐚𝐬𝐬𝐫𝐨𝐨𝐦, 𝐓𝐚𝐩-𝐢𝐧/𝐓𝐚𝐩-𝐨𝐮𝐭 𝐈𝐃 system para sa mga mag-aaral at guro na pumapaliy sa dating manual log book at biometrics, 𝐌𝐢𝐜𝐫𝐨𝐬𝐨𝐟𝐭 𝐓𝐞𝐚𝐦𝐬 para sa meetings at communications, online submissions, appointments, requests, at document tracking. Kasama rin dito ang 𝐄-𝐀𝐊𝐒𝐘𝐎𝐍, isang mekanismo para sa mabilis na pagtugon sa mga obserbasyon, suhestiyon, reklamo, puna, o komentaryo mula sa stakeholders.

Sa facilities at systems, tampok ang 𝐈𝐧𝐭𝐞𝐫𝐚𝐜𝐭𝐢𝐯𝐞 𝐒𝐞𝐥𝐟-𝐒𝐞𝐫𝐯𝐢𝐜𝐞 𝐊𝐢𝐨𝐬𝐤 na nagbibigay ng access sa issuances, resources, directory, feedback forms, at online appointments; ang opisyal na 𝐒𝐜𝐡𝐨𝐨𝐥 𝐖𝐞𝐛𝐬𝐢𝐭𝐞; ang opisyal na 𝐒𝐜𝐡𝐨𝐨𝐥 𝐀𝐩𝐩𝐥𝐢𝐜𝐚𝐭𝐢𝐨𝐧 na maaaring ma-install sa cellphone; 𝐒𝐓𝐀𝐑𝐁𝐎𝐎𝐊𝐒 𝐃𝐢𝐠𝐢𝐭𝐚𝐥 𝐋𝐢𝐛𝐫𝐚𝐫𝐲 mula sa DOST; 𝐒𝐏𝐋𝐀𝐓 (System for Parents, Learners, and Teachers); at 𝐏𝐫𝐨𝐜𝐞𝐬𝐬 𝐅𝐥𝐨𝐰𝐬 para sa canteen, clinic, guidance at iba’t ibang departamento. Bahagi rin nito ang pagsunod sa Citizens’ Charter compliance at digital record-keeping. Gumagamit din ang paaralan ng e-learning platforms gaya ng Khan Academy.

Ang lahat ng ito ay nagbunga ng malinaw na impact: mas episyenteng operasyon, mas mataas na learner engagement, mas mababang paggamit ng papel bilang suporta sa sustainability, mas mabilis na pagtugon sa concerns, mas transparent na proseso, at mas matibay na ugnayan ng mga magulang, guro, at mag-aaral.

Ibinahagi ng ilang guro at magulang ang kanilang positibong pananaw tungkol sa mga programang ito. Ayon sa kanila, “Napapanahon at kapaki-pakinabang ang mga inisyatiba sapagkat pinagaan nito ang trabaho ng mga guro at pinalawak ang access ng mga mag-aaral sa mga makabagong kagamitan sa pagkatuto.” May ilan ding nagsabi na, “Malaking tulong ang RECHARGE sapagkat ipinapaalala nitong dapat unahin din ng mga guro ang kanilang sarili upang maging mas epektibo sa pagtuturo.”

Ang pagpapaigting ng Project STREAMLINE at paglulunsad ng Project RECHARGE ay hindi lamang patunay ng pagsusumikap ng North High na maging episyente at makatao, kundi malinaw ring pagpapakita ng pagsuporta sa adyenda ng DepEd at ng Schools Division of General Trias City. Sa pamamagitan ng NORTH Banner Program, patuloy na isinusulong ng paaralan ang makabagong pamamahala, makabuluhang pagbabago, at inklusibong pag-unlad tungo sa mas mataas na kalidad ng edukasyon.

Higit pa rito, patuloy na magsisilbing bukas ang North High sa pagpapakilala ng iba pang mga makabagong proyekto at inisyatiba na tiyak na mag-aangat pa sa kalidad ng serbisyong pang-edukasyon para sa buong komunidad.

#ProjectSTREAMLINE

#ProjectRECHARGE

#uNORTHodox