𝐊𝐀𝐆𝐀𝐍𝐀𝐏𝐀𝐍:

Ngayong ika-21 ng Agosto 2024, isinagawa sa North High ang 𝐑𝐞𝐠𝐢𝐨𝐧𝐚𝐥 𝐕𝐚𝐥𝐢𝐝𝐚𝐭𝐢𝐨𝐧 para sa 𝐆𝐚𝐰𝐚𝐝 𝐏𝐚𝐭𝐧𝐮𝐠𝐨𝐭 “𝑩𝒆𝒔𝒕 𝑷𝒆𝒓𝒇𝒐𝒓𝒎𝒊𝒏𝒈 𝑷𝒖𝒃𝒍𝒊𝒄 𝑯𝒊𝒈𝒉 𝑺𝒄𝒉𝒐𝒐𝒍”. Ang mga validators na dumalo ay sina Dr. Eduarda Zapanta, Chief Education Program Supervisor ng Education Support Services Division, Bb. Laarni A. Evaristo, Administrative Officer V at Budget Section Head, Atty. Marianne Dilag, Attorney III, G. Wilbert C. Ulpindo, PDO II, at G. Rey Valenzuela, ITO I at ICT Unit Head.

Mainit silang tinanggap at inasikaso ng ating mahal na punong-guro, si Dr. Naneth P. Salvador, kasama sina Dr. Glenda A. Recto, PSDS-Cluster 6, G. Cipriano A. Dinglasan Jr., SPES-Human Resource Management, mga guro, mga opisyal ng SPTA, at mga estudyante ng North High. Sa pamamagitan ng kanilang sama-samang pagsisikap at suporta, naging matagumpay at makabuluhan ang naturang validation.

Ang kaganapang ito ay nagsilbing patunay sa dedikasyon ng buong pamayanan ng North High sa pagpapanatili ng mataas na pamantayan ng edukasyon. Ito rin ay isang inspirasyon upang patuloy na magpunyagi para sa mas magandang kinabukasan ng mga kabataan.